İspaniya millisinin ulduzu Mark Kukurelyanın futbol meydanındakı enerjisi və mübarizliyinin arxasında duyğusal bir ailə hekayəsi dayanır. O və həyat yoldaşı Klaudiya Rodriqesin böyük oğulları Mateoya erkən yaşlarında autizm spektr pozuntusu diaqnozu qoyulub.
İnsanoid.com xəbər verir ki, sənədli serialda bu çətinliklərdən danışan futbolçu bildirib ki, autizmli uşağa valideynlik etmək onu dəyişmək deyil, dünyasını anlamaqdır. Bu səbəbdən o, autizm haqqında kitablar oxuyub, mütəxəssislərlə məsləhətləşib. Ailəsini hər şeydən üstün tutan Kukurelya, transfer qərarlarında da ilk növbədə oğlu üçün uyğun məktəb və terapiya imkanlarını nəzərə aldığını vurğulayıb.
Kukurelya bildirib ki, saçlarını məhz autizmli oğlu Mateo üçün uzadır.
Futbolçu etiraf edib ki, onun üçün saçları sadəcə xarici görünüş məsələsi deyil, oğlu ilə arasında xüsusi bağ yaradan bir simvoldur: "Mənim autizmli bir oğlum var. Kaş heç pulum olmayaydı, ama oğlum sağlam olaydı. Saçlarımı ona görə uzadıram ki, o, saçlarımı sevir. Həm də bir anlıq məni unutsa, məni tanıya bilsin..."
