Ölkə ərazisində nəşr olunan 7 qəzetdə aparılmış dil monitorinqinin nəticələri açıqlanıb. Bu barədə 25 noyabr tarixində APA Dövlət Dil Komissiyası yanında Monitorinq Mərkəzinin nümayəndəsinə istinadən məlumat verib.
O bildirib ki, monitorinq zamanı aşkarlanan 2 500 dil faktından 1769-u hesabata daxil edilib. 744 orfoqrafik, 170 leksik, 334 qrammatik, 521 üslub və ifadə səhvi müəyyənləşdirilib.
"Monitorinq 1 aylıq dövrü əhatə edib. Aşkar edilmiş nöqsanlar daha çox müsahiblərin nitqlərinin redaktə olunmadan verilməsi, qeyri-müəyyən başlıqlar, abreviaturların, vəzifə və rütbə adlarının yazılışında orfoqrafik normanın pozulması, mürəkkəb adların yazılışında çox variantlılıq, durğu işarələrinin düzgün tətbiq edilməməsi və s. şəkildə müşahidə olunub" - deyə o qeyd edib.
