Ağsuda qəsdən yanğın törətməkdə şübhəli bilinən şəxs müəyyən edilib. Bu barədə iyulun 5-də FHN məlumat yayıb.
Belə ki, iyunun 24-də Ağsu şəhəri, Cavanşir küçəsində yanğın baş verib. Yanğın genişlənərək ətrafa yayılıb, o cümlədən yaxınlıqdakı evə və qaz xəttinə keçmə təhlükəsi yaranıb. Alov FHN tərəfindən qısa müddətdə söndürülüb.
Araşdırmalar nəticəsində yanğını qəsdən törətməkdə şübhəli bilinən Ağsu rayon sakini Qasımov Tural İfadə oğlu müəyyən edilib. O, yanğını sərxoş vəziyyətdə törətdiyini etiraf edib.
Hazırda faktla bağlı araşdırma aparılır.
