Ağsu rayonunda gənc oğlan canavarların hücumuna məruz qalıb. APA-nın iyunun 6-da verdiyi məlumata əsasən, hadisə Elabad kəndinin dağlıq ərazisində baş verib.
Belə ki, rayon sakini Tural Hüseynli qoyun otararkən qəflətən canavarlar ona hücum edib. Vəhşi heyvanlar onun bədəninin bir neçə yerini dişləyərək ağır xəsarətlər yetiriblər.
Tural Hüseynli Ağsu Mərkəzi rayon Xəstəxanasına aparılıb, quduzluğa qarşı vaksin vurulub. Hazırda müalicəsi davam etdirilir.
