2022-ci ilin yanvar-sentyabr aylarında pərakəndə ticarət şəbəkəsində istehlakçılara 35,6 milyard manatlıq mal satılmışdır. Bu barədə məlumat Dövlət Statistika Komitəsinin 17 oktyabr tarixli hesabatında əks olunub.
O cümlədən 20,01 milyard manatlıq ərzaq məhsulları, içkilər və tütün məmulatları, 15,5 milyard manatlıq qeyri-ərzaq malları satılmışdır.
Hesabat dövründə istehlakçıların pərakəndə ticarət şəbəkəsində xərclədiyi vəsaitin 56,3%-i ərzaq məhsulları, içkilər və tütün məmulatlarının, 13,5%-i toxuculuq məhsulları, geyimlər və ayaqqabıların, 5,2%-i elektrik malları və mebellərin, 5,7%-i avtomobil yanacağının, 2,3%-i əczaçılıq və tibbi malların alınmasına sərf olunub.
Ticarət şəbəkəsində bir ölkə sakini orta hesabla hər ay 221,1 manatlıq ərzaq məhsulları, içkilər və tütün məmulatları, 171,6 manatlıq qeyri-ərzaq məhsulları alıb.
