Energetika Nazirliyi yanında Bərpa Olunan Enerji Mənbələri Dövlət Agentliyində yeni təyinat olub. Bu barədə 16 dekabr tarixində AREA məlumat verib.
Sözügedən nazirin əmri ilə direktor müavini vəzifəsini Aygün Zeynalova icra edəcək. O, bundan əvvəl AREA-nın Layihələrlə iş və hüquq şöbəsinə rəhbərlik edib və yeni vəzifəsində Təbriz Əmmayevi əvəz edir.
A.Zeynalova əmək fəaliyyətinə 2012-ci ildə Lüksemburqda yerləşən Avropa İttifaqının Ədalət Məhkəməsində hüquqşünas kimi başlayıb, fəaliyyətini özəl sektorda korporativ hüquqşünas və baş hüquqşünas olaraq davam etdirib, Maliyyə Monitorinqi Xidmətində və digər qurumlarda məsul vəzifələrdə çalışıb.
O, 2014-cü ildən pedaqoji fəaliyyətlə məşğuldur. İngilis, fransız, türk, rus, holland dillərini bilir.
