Qətərdə keçirilən futbol üzrə Dünya Çempionatının qalibi müəyyənləşib. Bu barədə İnsanoid bu gün, 19 dekabr tarixində xəbər verir.
Fransa yığmasını məğlub edən Argentina millisi üçqat dünya çempionu olub. Bütün dünyanın diqqət mərkəzində olan oyunda fransızların hücumçusu Kilian Mbappe het-trik edib.
Matçın qalibi penaltilər seriyasında bəlli olub. “Tanqoçular” “xoruzları” 4:2 hesabı ilə məğlub ediblər.
Argentina millisinin kapitanı Lionel Messi Qətərdəki Dünya Çempionatının ən yaxşı futbolçusu seçilib.
Fransa millisinin hücumçusu Kilian Mbappe isə mundialın ən sərrast futbolçusu adını qazanıb.
Qətərdə keçirilmiş futbol üzrə Dünya Çempionatında qol sayında rekord qeydə alınıb. Mundialda ümumilikdə qapılara 172 qol vurulub.
