Bərk məişət tullantılarının çeşidlənməsi zavodu ərazisində şüşə qəbulu məntəqəsi fəaliyyətə başlayıb. Bu barədə 24 dekabr tarixində APA Ekologiya və Təbii Sərvətlər Nazirliyinə istinadən məlumat verib.
Nazirliyin nümayəndəsi bildirib ki, istənilən idarə, müəssisə və fiziki şəxslər mövcud vəziyyətindən asılı olmayaraq bütöv və sınıq halda olan şəffaf və rəngli şüşə tullantılarını qəbul məntəqələrinə təhvil verə və əvəzində ödəniş əldə edə bilərlər.
Onun sözlərinə görə, şüşə tullantılarından istifadə etməklə 20-30% enerji qənaətinə, karbon tullantılarının 20-50%, atmosfer havasının çirklənməsinin 20%, suyun çirklənməsinin 40-50% azalmasına, o cümlədən tullantı poliqonlarının yüklənməsinin minimuma endirilməsinə səbəb olur.
“Şüşə tullantılarının təkrar istehsala yönləndirilməsi layihəsinin daha geniş miqyas alması üçün şüşə qəbulu məntəqələrinin sayı artırılacaq”, - deyə o bildirib.
