Ağdaşda Azərişıq ASC-nin 2 əməkdaşını elektrik cərəyanı vurub. Bu barədə İnsanoid Daxili İşlər Nazirliyinə istinadən bu gün, 17 dekabr tarixində xəbər verir.
Ötən gün saat 15:45 radələrində Azərişıq ASC-nin Ağdaş şəhəri ərazisindəki elektrik şəbəkəsinin inzibati binasının həyətyanı sahəsində təmir işləri görən oranın əməkdaşları - 36 yaşlı Elşən Mustafayev və 39 yaşlı Ceyhun Nəbiyevi elektrik cərəyanı vurub.
Hadisə nəticəsində C. Nəbiyev yerində ölüb, E.Mustafayev isə müxtəlif dərəcəli yanıq xəsarətləri ilə xəstəxanaya çatdırılıb.
Polis və prokurorluq əməkdaşları tərəfindən hadisə yerinə və meyitə baxış keçirilib.
Faktla bağlı rayon prokurorluğunda araşdırma aparılır.
