Növbəti yerüstü müşahidə peykinin – “AzerSky 2”nin dəyəri 10 milyon dollardan az olacaq. Bu barədə 6 dekabr tarixində APA "Azərkosmos"a istinadən məlumat verib.
"Peykin dəyəri onun çəkisindən asılı olaraq dəyişir. İlon Maskın rəhbərlik etdiyi ABŞ-nin "Space X" şirkəti bazara daxil olduqdan sonra bu sahədə qiymətlər enib. “AzerSky 2” hələlik hazır olmadığı və tender keçirilmədiyi üçün dəqiq rəqəm söyləmək çətindir. Amma peykin dəyərinin bir neçə milyon dollar olacağı gözlənilir" - deyə Agentlikdən deyilib.
Qeyd edək ki, “AzerSky 2" peykinin 2025-ci ildə orbitə buraxılması planlaşdırılıb.
