Paytaxtın Sabunçu rayonunda oğurluq edən şəxs saxlanılıb. Bu barədə İnsanoid Daxili İşlər Nazirliyinin (DİN) Mətbuat Xidmətinə istinadən bu gün, 28 noyabr tarixində məlumat verib.
Sabunçu rayonunda yerləşən dövlət müəssisələrindən birinin inzibati binasının dəmir məhəccərlərini oğurlamaqda şübhəli bilinən Sabunçu rayon sakini, əvvəllər məhkum olunmuş Əli Əliyev saxlanılıb.
Hadisə nəticəsində müəssisəyə 5000 manata yaxın maddi ziyan dəyib.
Aparılan araşdırmalar zamanı onun Sabunçu rayonunda əlavə olaraq, 17 ədəd kanalizasiya quyusunun dəmir qapaqlarını oğurladığı da müəyyən edilib.
Bundan başqa, Əli Əliyev Kürdəxanı, Zabrat və digər ərazilərdə yerləşən ümumilikdə 10 evdən təmir-tikinti və məişət əşyaları oğurladığını bildirib.
Faktlarla bağlı araşdırmalar davam etdirilir.
[caption id="attachment_95906" align="alignnone" width="640"]
Foto DİN-in rəsmi Youtube kanalı[/caption]
