Ukraynanın Dnepr şəhərində ürəkağrıdan bir olay yaşanıb.
İnsanoid.com xəbər verir ki, 20 yaşlı qadın iki yaşlı uşağını 1 milyon Ukrayna qrivnasına (təxminən 41 000 manat) satmağa cəhd edib.
Lakin gənc qadın polislər tərəfindən cinayət başında yaxalanıb.
Belə ki, Ukrayna polis qüvvələrinin keçirdiyi əməliyyat zamanı adı açıqlanmayan qadın özünü alıcı kimi təqdim edən polis əməkdaşı ilə sövdələşməni tamamlayıb. Amma pulu alan kimi saxlanılıb. Dindirilmə zamanı qadın pul ilə "öz biznesini qurmağı" planlaşdırdığını söyləyib.
Məhkəmədə qadın ona qarşı irəli sürülən ittihamları rədd edib. O, insan alverinə görə 8 il müddətinə azadlıqdan məhrum edilib. Hadisə ölkədə geniş əks-səda doğurub və uşağın dövlət himayəsinə götürüldüyü açıqlanıb.
