Bu ilin yanvar-oktyabr aylarında pensiyaların ödənişinə əvvəlki ilin müvafiq dövrünə nisbətən 7% və ya 270 milyon manat çox olmaqla 4 milyard 114 milyon manat vəsait yönəldilib. Bu barədə 21 noyabr tarixində Əmək və Əhalinin Sosial Müdafiəsi Nazirliyindən məlumat verilib.
Qeyd olunub ki, 2022-ci ilin əvvəlindən yeni sosial islahat paketinin tərkib hissəsi kimi, minimum pensiya 20% artırılaraq 240 manata çatdırılıb.
Pensiyaların indeksasiya nəticəsində artırılması təmin edilib, pensiya alanlara 2022-ci ilin əvvəlindən bu il üzrə 200 manat maddi yardım (hər rüb 50 manat olmaqla), qulluq stajına görə əlavələr alan pensiyaçılara da 2022-ci ilin əvvəlindən pensiyalarının 10%-i qədər aylıq maddi yardım ödənilir. 1,2 milyon nəfər pensiyaçını əhatə edən bu artımlar üçün əlavə olaraq illik 440 milyon manat vəsait ayrılıb.
