Dünən, mayın 19-da Champions Chess Tour turnirinin 4-cü mərhələsinin (Chessable Masters) ilk 4 turunun oyunları keçirilib.
Şəhriyar Məmmədyarov ilk 4 turda Karlsen, Hansen və van Forestlə heç-heçə edərək Mişraya məğlub olub. Beləliklə, ilk 4 turdan sonra şahmatçımızın hesabında 3 xalı var və o, turnir cədvəlində 13-cü yerdə qərarlaşıb. Bu gün Şəhriyar daha 4 oyun keçirəcək. Onun rəqibləri Sem Şenklend, Vidit Guyrathi, Vey Yi və Aniş Giri olacaq.
Qeyd edək ki, turnir mayın 26-dək davam edəcək. Yarışın mükafat fondu 150 min dollar təşkil edir.
