Bu ilin 9 ayı ərzində dəyəri 40 milyon manat olan 3 ton narkotik və 300 kiloqramdan artıq psixotrop maddə dövriyyədən çıxarılıb. Bu barədə oktyabrın 14-də Daxili İşlər Nazirliyində keçirilən kollegiya iclasında bildirilib.
Həmçinin narkotiklərin onlayn satışı ilə bağlı 241 fakt müəyyən edilib. 289 nəfərdən ibarət 113 cinayətkar qrup zərərsizləşdirilib.
Bundan başqa, keçirilən əməliyyatlar zamanı 25 tona yaxın çətənə və xaş-xaş kolu aşkarlanıb. Yabanı halda bitmiş 166 tondan çox həmin növ bitki məhv olunub.
