İspaniyanın Alikante şəhərində gənc boksçular arasında dünya çempionatında millimizin üzvü Sənan Hətəmov (67 kq) qələbə qazanıb. Bu barədə noyabrın 18-də Boks Federasiyasından məlumat verilib.
İlk görüşdə Neri Kanavirini (Boliviya) mübarizədən kənarlaşdıran boksçumuz 1/16 final çərçivəsində kanadalı Yakub Blaislə üz-üzə gəlib. Təmsilçimiz rəqibini 4:1 hesabı ilə məğlub edib.
O, 1/8 finalda qazaxıstanlı Nurbek Mursalla qüvvəsini sınayacaq.h
Qeyd edək ki, 89 ölkədən 684 boksçunun mübarizə apardığı yarışın qaliblərinin adları noyabrın 25-də və 26-da məlum olacaq.
