2022-ci ilin may ayı ərzində Respublika ərazisində 15 min tona yaxın dənli və paxlalı bitkilərin məhsulları, yemlər, texniki yüklər, qurudulmuş meyvələr və digər materiallar zərərsizləşdirilib. Bu barədə 6 iyun tarixində Kənd Təsərrüfatı Nazirliyi məlumat verib.
Məlumata əsasən, həmçinin 30 kubmetr yaş meyvə-tərəvəz və 30 min kvadratmetr istixana zərərsizləşdirilib.
Qeyd olunub ki, zərərsizləşdirmə tədbirləri karantin nəzarətində olan məhsulların becərilməsi, tədarükü, saxlanması, daşınması, emalı, satışı, habelə onların idxalı, tranziti və ixracı ilə məşğul olan hüquqi və fiziki şəxslər üçün məcburidir. Bildirilib ki, tələblərə riayət etməyən şəxslər məsuliyyət daşıyırlar.
Xidmətlərdən istifadə etmək üçün Aqrar Xidmətlər Agentliyinin Bitki Mühafizəsi və Fumiqasiya Mərkəzinə (Tel: 012-563-58-45 (daxili:126); 050-644-74-15; 070-965-62-14, ([email protected]) müraciət etmək olar.
