Göyçay rayon sakini tüfəngdən açılan atəş nəticəsində xəsarət alıb. Bu barədə 18 oktyabr tarixində Oxu.az məlumat verib.
Belə ki, rayonun Xəlitli kənd sakini, 1993-cü il təvəllüdlü Eyvazov Ariz Mübariz oğlu qarın boşluğunun ön divarının deşilmiş yarası diaqnozu ilə xəstəxanaya yerləşdirilib.
Araşdırma zamanı onun 6 yaşlı oğlunun əlində olan tir tüfəngindən ehtiyatsızlıq səbəbindən açılan atəş nəticəsində güllə yarası aldığı məlum olub.
Güllə daxilə keçdiyi üçün yaralı cərrahiyyə əməliyyatı olunub.
Faktla bağlı araşdırma aparılır.
