Göygöldə fəaliyyət göstərən bağırsaq emalı müəssisəsində nöqsanlar aşkar edilib. Bu haqda bu gün, 23 noyabr tarixində AQTA xəbər verir.
Agentlik əməkdaşları fiziki şəxs Hüseynov Əli Yaqub oğluna məxsus müəssisədə yoxlamalar təşkil ediblər. Yoxlama zamanı müəssisədə qida təhlükəsizliyi sahəsində normativ hüquqi aktların tələblərinin kobud şəkildə pozulduğu, istifadə olunan alət və avadanlıqların asan təmizlənə bilən və korroziyaya davamlı materiallardan təşkil olunmadığı, havalandırma sisteminin quraşdırılmadığı və digər nöqsanlar aşkar edilib.
Qanunvericiliyə uyğun olaraq, sahibkar barəsində inzibati protokol tərtib edilib və icrası məcburi göstərişlər verilib.
