Göygöldə qanunsuz ağac kəsməkdə şübhəli bilinən şəxs saxlanılıb. Bu barədə 21 yanvar tarixində Daxili İşlər Nazirliyi İnsanoid-ə məlumat verib.
Göygöl Rayon Polis Şöbəsinə rayonun Şəhriyar kəndi ərazisində naməlum şəxs və ya şəxslər tərəfindən 2 ədəd qovaq ağacının kök hissəsindən kəsilməsi və təbiətə 2450 manat məbləğində ziyan dəyməsi barədə məlumat daxil olub.
Şübhəli bilinən rayon sakini Savalan Əliyev saxlanılıb.
Faktla bağlı cinayət işi başlanıb, araşdırmalar davam etdirilir.
