Hacıqabulda güclü sel Pirsaatçay üzərindəki körpünü yenidən uçurub. Bu haqda mayın 11-də Report məlumat verib.
Havanın qeyri-sabit keçməsinə görə rayonun Udulu kəndindən keçən Pirsaatçayda daşqınlar yaranıb. Sel çayın üzərindəki köhnə körpünü uçurub. Nəticədə rayon mərkəzi ilə Udulu kəndi istiqamətində 7 yaşayış məntəqəsinin əlaqəsi kəsilib.
Rayon İcra Hakimiyyətindən verilən məlumata əsasən, yaşayış məntəqələrini birləşdirilən Tağılı kəndi istiqamətindəki alternativ yoldan istifadə edilir. Sel dayananda isə uçan körpünün yaxınlığında yeni körpünün tikintisi davam etdiriləcək.
Daha öncə də, mayın 9-da sel Pirsaatçay üzərindəki köhnə körpünü uçurmuşdu.
