Ağsuda qadın xəstəxanada vəzifəli şəxs tərəfindən cinsi istismara məruz qalıb. Bu barədə dekabrın 7-də Lent.az məlumat yayıb.
Belə ki, rayon ərazisində bir qadın naməlum şəxs tərəfindən döyülüb. Xəsarətin dərəcəsi müəyyənləşdirilməkdən ötrü qadın məhkəmə-tibbi ekspertiza patoloji anatomiya birliyinin rayon şöbəsinə göndərilib. Burada o, xəsarətinin daha ağır göstərilməsini istəyib.
İddialara görə, şöbənin eksperti Z.Hüseynov 27 yaşı olan bu qadına istəyi qarşılığında cinsi münasibət təklif edib. Həmçinin əvəzində təkcə xəsarətin ağır olması deyil, onu həm də şöbəyə işə düzəltmək vədi verib. Beləliklə, ekspert qadınla elə kabinetdə cinsi münasibətdə olub.
Məsələ ilə bağlı qadın polisə şikayət edib. Hazırda iddialarla bağlı istintaq araşdırmaları aparılır.
