Zəngəzur dəhlizini formalaşdıran Horadiz-Ağbənd avtomobil yolunun 35%-inin inşası yekunlaşıb. Bu haqda iyunun 13-də rəqəmsal inkişaf və nəqliyyat nazirinin müavini Rəhman Hümmətov Reporta açıqlamasında deyib.
Onun sözlərinə görə, Horadiz-Ağbənd dəmir yolunun isə 50%-inin inşası bitib.
Nazir müavini əlavə edib ki, avtomobil yolunun inşasının 2024-cü ilin birinci yarısında, dəmir yolunun inşasının isə 2023-cü ilin sonunadək başa çatdırılması planlaşdırılır.
