Son günlərdə izləyicilərimizin çoxsaylı şikayətlərinə əsasən, fake(saxta) profillərdən iticket.az-nin adından yazaraq, kart məlumatları istəyirlər. Bu barədə saytın mətbuat xidməti məlumat yayıb.
Nəinki keçirilən müsabiqələrdə, hətta bilet əldə edərkən belə iticket.az şirkəti müştərilərdən kart nömrəsi tələb etmir. Konfidensial kart məlumatları bilet əldə edərkən yalnız ödəniş sistemlərində qeyd olunur.
Sistemə kartın ilk və son 4 rəqəmindən başqa məlumat daxil olmur. Tədbirlərə aid bütün məlumatlar və müsabiqələr yalnız rəsmi səhifəmizdə paylaşılır.
Bundan əlavə, tədbirə daxil olarkən heç bir problemlə qarşılaşmamaq üçün ikinci əl bilet satışları səhifələrinə aldanıb, bilet əldə etməyə çalışmayın. Biletləriniz bloklanmış, geri qaytarılmış və ya bir neçə şəxsə satılmış ola bilər.
Saytın rəsmi və yeganə İnstaqram səhifəsi @iticket.az-dır.
