Kənd təsərrüfatı naziri İnam Kərimov Masallı və Yardımlı rayonlarından olan vətəndaşları qəbul edəcək. Bu barədə İnsanoid nazirliyin mətbuat xidmətinə istinadən bu gün, 28 noyabr tarixində məlumat verir.
Görüş dekabrın 1-də, saat 09:00-da Masallı Dövlət Aqrar İnkişaf Mərkəzinin inzibati binasında baş tutacaq.
Qəbul zamanı vətəndaşların Kənd Təsərrüfatı Nazirliyinin səlahiyyət dairəsinə aid məsələlərlə bağlı müraciətləri cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.
Vətəndaş qəbulunda iştirak etmək istəyənlər Masallı Dövlət Aqrar İnkişaf Mərkəzinə (050-287-12-12) müraciət edə bilərlər.
Qəbula yazılmaq üçün, həmçinin Kənd Təsərrüfatı Nazirliyinin “Çağrı Mərkəzi”nə zəng etməklə (1652) qeydiyyatdan keçmək olar.
Qəbula gələn vətəndaşlar əvvəlcədən qeydiyyatdan keçməli və şəxsiyyətlərini təsdiq edən sənədləri özləri ilə gətirməlidirlər.
