Şəmkir rayonunda “Zirvə” marketdə yarım milyon manatdan çox pulun mənimsənilməsinə görə şübhəli bilinən kassir Laura Əliyeva həbs edilib. Bu barədə Qafqazinfo 19 dekabr tarixində məlumat verib.
2021-ci ilin sentyabrında mənimsəmə ilə bağlı hüquq-mühafizə orqanlarına təqdim etdiyi faktların araşdırılmadığını deyən market sahibi Ramin Əliyev bildirib ki, artıq kassir saxlanılıb.
Ramin Əliyevin sözlərinə görə, audit yoxlaması nəticəsində 539 min 222 manat pulun mənimsənilməsi faktı ilə bağlı bu ilin aprel ayında cinayət işi başlanılıb: “Baş Prokuror Kamran Əliyev məni qəbul etdikdən sonra dekabrın 16-da istintaqın təqdimatı ilə Laura Əliyeva Cinayət Məcəlləsinin 179.3.2-ci (külli miqdarda mənimsəmə) maddəsi ilə ittiham edilərək məhkəmənin qərarı ilə barəsində həbs qətimkan tədbiri seçilib.”
