Ölkə üzrə bu günədək sahələrdən 127 min tona yaxın pambıq yığılıb. Bu barədə oktyabrın 18-də Kənd Təsərrüfatı Nazirliyindən bildirilib.
Məhsul yığımı prosesinə ümumilikdə 447 kombayn və 3 085 traktor yedəyi cəlb olunub.
Aqrar Subsidiya Şurasının qərarına əsasən, bu ildən tədarük məntəqələrinə təhvil verilən pambığa görə yalnız məhsul subsidiyası verilir. Eyni qərarla onun məbləği hər tona görə 100 manatdan 170 manata qaldırılıb. Ötən il 1-ci sort pambığın 1 tonu fermerlərdən 700 manata alınırdısa, bu il təhvil verilən eyni sort pambığın 1 tonuna görə fermerlərə 800 manat ödənilir.
Hazırda pambıq yığımı davam edir. Yığımın optimal müddətdə başa çatacağı proqnozlaşdırılır.
