Kürdəmir rayonunun Qarasaqqal kəndində ağır yol qəzası baş verib. Bu barədə dekabrın 6-da Report xəbər yayıb.
Rayonun Yenikənd kənd sakini, 1993-cü il təvəllüdlü Qubadov Abdulla Təvəkkül oğlu "KİA" markalı avtomaşınla kənd istiqamətində hərəkətdə olarkən idarəetməni itirib.
Nəticədə avtomobil yoldan çıxaraq yol kənarındakı su kanalına düşüb. Sürücü hadisə yerində ölüb. Avtomobildə olan üç sərnişin - 1988-ci il təvəllüdlü Daşdıyev Ramal Durhəsən oğlu, 1992-ci il təvəllüdlü Manafov Mayıl Habil oğlu və 1992-ci il təvəllüdlü Nəbiyev Elmin Fərhad oğlu Kürdəmir rayon Mərkəzi Xəstəxanasına çatdırılıblar.
Həkimlərin səylərinə baxmayaraq, sərnişinlərdən biri, 34 yaşlı Daşdıyev Ramal Durhəsən oğlu xəstəxanada dünyasını dəyişib.
Hazırda faktla bağlı araşdırma aparılır.
