Kürdəmir rayonunda üç ailənin yaşadığı fərdi yaşayış evində yanğın olub. Bu barədə noyabrın 23-də FHN-dən bildirilib.
Hadisə rayonun Atakişili kəndində qeydə alınıb. Belə ki, ümumi sahəsi 280 kvadratmetr olan evin 140 kvadratmetr hissəsi əşyaları ilə birlikdə yanaraq külə dönüb.
Yanğın söndürülüb və digər ərazilərə keçməsinin qarşısı alınıb. İlkin məlumata görə, yanğına səbəb elektrik naqillərində yaranan qısaqapanmadır.
Qeyd edək ki, yanğın zamanı ev sahibinə ümumilikdə 60 min manata yaxın maddi ziyan dəydiyi bildirilir. Hazırda faktla bağlı araşdırma aparılır.
