“Peşə və ali təhsildə əhatəliliyi artırmağa çalışırıq. Bu proses kəmiyyət baxımından çox sürətlə gedir”. Bunu 21 dekabr tarixində APA elm və təhsil naziri Emin Əmrullayevə istinadən bildirib.
O qeyd edib ki, 10 il öncə ali məktəbə qəbul olanların sayı 20-30 min idisə, bu il rekord olaraq 50 min nəfərə çatıb.
”Növbəti 4 ildə bu rəqəmi 60 minə çatdırmağı planlaşdırırıq. Lakin tələbənin hansı bacarıqlara sahib olması önəmli faktordur. 60 min insan ali təhsil müəssisəsinə gələndə hansı bacarıqlara sahib olur, ilk öncə bu bilinməlidir. Peşəkar kadr hazırlamaq zaman tələb edir. Bunu 6 aya etmək mümkün deyil. 6 aya hansısa bacarığı, məhsuldarlığı yuxarı olan əməkdaş hazırlamaq mümkündür”, - deyə nazir bildirib.
