Dünən, mayın 30-da Norveçin Stavanger şəhərində keçirilən şahmat üzrə Norway Chess turnirinin blits oyunları keçirilib. Şəhriyar Məmmədyarov və Teymur Rəcəbov müvafiq olaraq 5-ci və 10-cu yerləri tutub.
Blits üzrə yarışın qalibi ABŞ-dan olan Uesli So olub. Bu gün klassik şahmat üzrə yarış başlayır. Şəhriyar Məmmədyarov ilk turda ağ fiqurlarla norveçli Aryan Tari ilə, Teymur Rəcəbov isə qara fiqurlarla blits turnirinin qalibi Uesli So ilə qarşılaşacaq.
Qeyd edək ki, sözügedən turnirin son qalibi Maqnus Karlsendir. Yarışın ümumi mükafat fondu 2,5 milyon Norveç kronudur (təxminən 265 min dollar). Qalib idmançı 750 min kron (təxminən 80 min dollar) qazanacaq.
