Dünən, iyunun 6-da Norveçin Stavanger şəhərində keçirilən şahmat üzrə Norway Chess turnirinin altıncı turunun oyunları keçirilib.
Şəhriyar Məmmədyarov qara fiqurlarla Maqnus Karlsenə məğlub olub. Teymur Rəcəbov isə ağ fiqurlarla Veselin Topalovla armageddonda heç-heçə edərək 1 xal qazanıb (armageddonda ağ fiqurlarla heç-heçə məğlubiyyətə bərabərdir). Bu gün Şəhriyar Giri ilə, Rəcəbov isə Anandla qarşılaşacaq.
Qeyd edək ki, sözügedən turnirin son qalibi Maqnus Karlsendir. Turnirdə əsas oyunda qalib idmançıya 3 xal verilir. Heç-heçə olan halda aralarında armageddon oynanılır. Burada qalib idmançıya 1,5, məğlub olana isə 1 xal verilir. Yarışın ümumi mükafat fondu 2,5 milyon Norveç kronudur (təxminən 265 min dollar). Qalib idmançı 750 min kron (təxminən 80 min dollar) qazanacaq.
