Ötən iki ay ərzində 400-dən çox yol-nəqliyyat hadisəsi qeydiyyata alınıb. Bu barədə İnsanoid DİN-ə istinadən bu gün, 19 dekabr tarixində xəbər verir.
Daxili İşlər Nazirliyinin Nəqliyyatı İntellektual İdarəetmə Mərkəzi paytaxt yollarında quraşdırılmış videomüşahidə kameraları vasitəsilə 400-dən çox yol-nəqliyyat hadisəsi qeydiyyata alıb.
Qəzaların böyük hissəsi maddi ziyanla və bəzən xəsarətlə nəticələnən qəzalardır. Aparılan müşahidələrə əsasən, hadisələrin əsas səbəbləri ara məsafəsinə düzgül əməl edilməməsi, sürət həddinin aşılması, yol nişanlarının tələbinin pozulması və sürücü diqqətsizliyidir. Günün müxtəlif vaxtlarında baş vermiş qəzalar nəqliyyat vasitələrinin sərbəst və fasiləsiz hərəkət etməsinə mane olaraq yollarda sıxlığa səbəb olur.
Nəqliyyatı İntellektual İdarəetmə Mərkəzi bir daha sürücüləri yollarda son dərəcə diqqətli olmağa və yol hərəkəti qaydalarına ciddi şəkildə əməl etməyə çağırır.
[video width="1920" height="1080" mp4="https://insanoid.com/storage/thumbs/large/2022/12/Qaza-goruntulari.mp4"][/video]
