"Blue Origin" şirkəti "NS-31" missiyası çərçivəsində turizm məqsədli kosmik uçuşunu uğurla başa çatdırıb.
İnsanoid.com xarici KİV-ə istinadən xəbər verir ki, uçuş "Blue Origin" kosmik araşdırma şirkəti tərəfində həyata keçirilib.
Uçuşa amerikalı pop müğənni Keti Perri, "Blue Origin"in təsisçisi Ceff Bezosun nişanlısı Loren Sançez, televiziya aparıcısı Qeyl Kinq, ABŞ Milli Aeronavtika və Kosmik İdarəsinin (NASA) keçmiş mühəndisi Eyşa Bouv, bioastronavtika üzrə mütəxəssis Amanda Nquyen və kinoprodüser Keriann Flinn qatılıblar. Kapsul təxminən 10-12 dəqiqə çəkən qısa suborbital səyahətdən sonra uğurla yerə enib.
Qeyd edək ki, bu start 1963-cü ildə SSRİ kosmonavtı Valentina Tereşkovanın uçuşundan bəri tamamilə qadın ekipajı ilə ilk kosmik səfərdir.
Sosial media istifadəçiləri Keti Perri və "Blue Origin"i sərt şəkildə tənqid ediblər. Onlar hesab edirlər ki, sözügedən qadınların kosmosa uçuşu "super-zənginlər üçün əyləncə"dən başqa bir şey deyil. Şərhçilər bu missiyanı “mənasız” adlandıraraq, onun sadəcə bir “reklam aksiyası” olduğunu vuğulayıblar.
