Qazax rayonunda iki nəfərin ölümü ilə nəticələnən yol-nəqliyyat hadisəsi olub. Bu haqda dekabrın 9-da Report xəbər yayıb.
Hadisə rayonun Ağköynək kəndində qeydə alınıb. Belə ki, "KİA" markalı minik avtomobili idarəetmədən çıxaraq dərəyə aşıb.
Nəticədə Ağköynək kənd sakinləri, 1982-ci il təvəllüdlü Qaragözov Kamil İsrail oğlu və 1981-ci il təvəllüdlü Vəliyev Rəşad Musa oğlu aldıqları xəsarətlərdən hadisə yerində dünyalarını dəyişiblər.
Onların meyitləri əzilmiş avtomobildən FHN əməkdaşları tərəfindən çıxarılıb və aidiyyəti üzrə təhvil verilib.
Faktla bağlı araşdırma aparılır.
