İyulun 4-də şəhid övladları üçün 2-ci “YAŞAT” düşərgəsi fəaliyyətə başlayıb. Bu haqda məlumat fondun Facebook hesabında paylaşılıb.
Açılış mərasimi Şabran rayonunda yerləşən “Qalaaltı Hotel & Spa” hotelində baş tutub.
300-dən çox uşağı əhatə edəcək 6 düşərgə avqust ayının sonuna qədər keçiriləcək. Hər düşərgə ümumilikdə 5 gecə 6 gün davam edəcək. Yalnız 10-11, 12-14 , 15-17 yaş kateqoriyasında olanlar iştirak edə bilərlər.
Layihə çərçivəsində uşaqlar üçün əyləncə saatları, öyrədici təlimlər, teatrlar, ekskursiyalar, psixoloqların iştirakı ilə təlimlər, konsertlər təşkil ediləcək.
