Salyanda taksi sürücüsünü öldürməkdə şübhəli bilinən şəxs polis tərəfindən saxlanılıb. Bu haqda bu gün, 23 noyabr tarixində İnsanoid Report-a istinadən xəbər verir.
Belə ki, 18 noyabr tarixində 65 yaşlı Masallı sakini Etibar Məmmədovun meyiti Salyan rayonu, Xocalı kəndi ərazisində aşkar edilib. Məsələ ilə bağlı Baş prokurorluqda araşdırma başlanıb.
Həyata keçirilmiş istintaq nəticəsində Etibar Məmmədovun sərnişin kimi avtomobilinə götürdüyü 47 yaşlı Müşviq İskəndərovla aralarında mübahisə baş verdiyi məlum olub. Müşviq taksi sürücüsünə kəsici-deşici alətlə çoxsaylı xəsarətlər yetirib.
Müşviq İskəndərov şübhəli şəxs qismində tutularaq istintaqa cəlb edilib.
Hazırda cinayət işi üzrə istintaq tədbirləri davam edir.
