Şəmkirdə çətənə kolları yetişdirən 5 nəfər saxlanılıb. Bu barədə Daxili İşlər Nazirliyindən Trend-ə bildirilib.
İlk əməliyyat zamanı Qaracaəmirli kənd sakini Fəxrəddin Qocayev saxlanılıb. Onun həyətindən 16 kiloqrama yaxın çətənə bitkiləri aşkarlanaraq götürülüb.
Digər əməliyyat zamanı Barlıbağ kənd sakinləri Ədalət Hüseynov və Məmməd Teymurov saxlanılıblar. Onlardan ümumilikdə 78 ədəd kannabis bitkiləri götürülüb.
Növbəti əməliyyat nəticəsində Söhrab Verdiyev və Elşən Tağıyev də saxlanılıb. Onlardan marixuana, heroin və elektron tərəzi aşkar olunaraq müsadirə edilib.
Faktlarla bağlı cinayət işləri başlanılıb, araşdırmalar davam etdirilir.
