Şəmkirdə ölümlə nəticələnən yol-nəqliyyat hadisəsi baş verib. Bu barədə 2 yanvar tarixində Apa məlumat verib.
Hadisə şəhərin Səməd Vurğun küçəsində qeydə alınıb. Belə ki, hərəkətdə olan "Hyundai Solaris" markalı minik avtomobilinin sürücüsü idarəetməni itirib. Nəticədə maşın yoldan çıxaraq elektrik dirəyinə çarpılıb. Qəza zamanı üç nəfər xəsarət alıb.
Yaralılar - 17 yaşlı Telman Məmmədli, Məhərrəm Məmədov və 23 yaşlı Samir Pənahov Şəmkir Rayon Mərkəzi Xəstəxanasına yerləşdiriliblər. Həkimlərin səylərinə baxmayaraq, Telman Məmmədlinin həyatını xilas etmək mümkün olmayıb.
Faktla bağlı araşdırma aparılır.
