"Sağlamlıq imkanları məhdud uşaqlar üçün sosial reabilitasiya mərkəzlərinin fəaliyyətinin təşkili" layihəsinə başlanacaq. Bu barədə 17 may tarixində Əmək və Əhalinin Sosial Müdafiəsi Nazirliyi məlumat verib.
Məlumata əsasən, sözügedən layihə üzrə 42 rayon və şəhərdə sosial reabilitasiya mərkəzləri fəaliyyət göstərəcək. Bildirilib ki, mərkəzlərdə autizm, daun sindromlu və digər fiziki məhdudiyyətli uşaqlardan ibarət 4200 uşağa reabilitasiya xidmətləri göstəriləcək.
Qeyd olunub ki, hər bir region üzrə 100 nəfər sağlamlıq imkanları məhdud uşağa sosial-psixoloji, tibbi reabilitasiya, abilitasiya, habelə ailəsinə dəstək və maarifləndirmə yönümlü xidmətlərin göstərilməsi nəzərdə tutulur.
