Dünən, mayın 11-də Rumıniyanın paytaxtı Buxarest şəhərində şahmat üzrə Grand Chess Tour turnirinin ilk mərhələsinin (Superbet Chess Classic Romania) 6-cı turunun oyunları keçirilib.
Şəhriyar Məmmədyarov ağ fiqurlarla fransalı Alireza Firuzca ilə heç-heçə oynayıb. Beləliklə, 6 turdan sonra 2 xal yığan həmyerlimiz turnir cədvəlinin sonuncu pilləsində qərarlaşıb. Bu gün şahmatçımız rusiyalı Yan Nepomnyaşiyə qarşı oynayacaq.
Superbet Chess Classic Romania turniri mayın 14-dək davam edəcək. Turnirin ümumi mükafat fondu 350 min dollar təşkil edir. Qeyd edək ki, turnirin ötənilki qalibi Şəhriyar Məmmədyarov olub.
