Bu gün, mayın 10-da Rumıniyanın paytaxtı Buxarest şəhərində şahmat üzrə Grand Chess Tour turnirinin ilk mərhələsinin (Superbet Chess Classic Romania) 6-cı turunun oyunları keçiriləcək.
Şəhriyar Məmmədyarov ağ fiqurlarla Fransanı təmsil edən Alireza Firuzca ilə qarşılaşacaq. Qeyd edək ki, 5 turun nəticəsində Şəhriyarın hesabında 1,5 xal var. Şahmatçımız turnir cədvəlində sonuncu yerdədir.
Superbet Chess Classic Romania turniri mayın 14-dək davam edəcək. Turnirin ümumi mükafat fondu 350 min dollar təşkil edir. Qeyd edək ki, turnirin ötənilki qalibi Şəhriyar Məmmədyarov olub.
