Xızıda raket mərmisi tapılıb. Bu barədə noyabrın 16-da Report məlumat verib.
Hadisə yerinə minalardan təmizləmə üzrə çevik qrupu cəlb edilib. Aşkar edilmiş sursatın 1 ədəd 140mm-lik OF-14M turboreaktiv raket mərmisi olduğu müəyyən edilib.
Sursat zərərsizləşdirilməsi üçün ərazidən götürülərək kənarlaşdırılıb. Hadisə yerində və ona yaxın ətraf ərazidə əlavə axtarış zamanı başqa hər hansı təhlükəli və ya şübhəli əşya aşkar edilməyib.
