Yüksək səslə musiqiyə qulaq asan sürücülər böyük məbləğdə cərimə edilə bilərlər. Bu barədə 15 noyabr tarixində “Qafqazinfo” məlumat verib.
Daxili İşlər Nazirliyinin mətbuat xidmətindən “Xəzər Xəbər”ə bildirildi ki, mənzillərdə, yaşayış evlərinin girişlərində və həyətlərində, küçələrdə, istirahət yerlərində və digər ictimai yerlərdə gecə vaxtı saat 24-dən 7-dək səs-küy salmağa, ucadan mahnı oxumağa, musiqi alətlərini ucadan ifa etməyə, televizorları, radioqəbulediciləri, maqnitofonları və digər aparatları gur səslə oxutmağa, məişət səs-küyünə qarşı mübarizə tələblərini başqa üsulla pozmağa görə fiziki şəxslərə 150 manatdan 200 manatadək məbləğdə, vəzifəli şəxslərə 2 000 manatdan 2 500 manatadək məbləğdə inzibati tənbeh tədbiri tətbiq edilir.
