Zaqatalada “Niva” markalı minik avtomobili aşıb, sürücü və dörd sərnişin xəsarət alıb. Bu barədə mayın 30-da APA məlumat verib.
Hadisə səhər saat 10:00 radələrində Zaqatala-Muğanlı avtomobil yolunun Aşağı Tala kəndi ərazisindən keçən hissəsində qeydə alınıb. Qəza 1980-ci il təvəllüdlü Elmin Qurbanovun idarəetməni itirməsi nəticəsində baş verib.
Sürücü ilə bərabər xəsarət alan 2010-cu il təvəllüdlü Səyyarə Rüstəmova, 1979-cu il təvəllüdlü Fərqanə Qurbanova, 1972-ci il təvəllüdlü Gülayət Bayramova və 2001-ci il təvəllüdlü Sənəm Qurbanova xəstəxanaya çatdırılıblar. Onların xəsarətləri yüngül qiymətləndirilir.
Faktla bağlı araşdırma aparılır.
