Bu gün Azərbaycan Hava Yolları aviaşirkətinin J2-8243 nömrəli Bakı-Qroznı reysini yerinə yetirən “Embraer 190” təyyarəsi duman səbəbindən Aktau şəhərinin 3 km yaxınlığında qəzaya uğrayıb.
İnsanoid.com xəbər verir ki, eyni hadisə 2005-ci il dekabr ayının 23-də də baş vermişdi. Belə ki, Bakı-Aktau (Qazaxıstan) reysi ilə uçan AZAL-a məxsus təyyarə qəzaya uğrayıb. Təyyarədə olan 18 sərnişin və 5 nəfər ekipaj üzvünün hamısı həlak olub. Həlak olanların 10 nəfəri Azərbaycan, 4 nəfəri Qazaxıstan, 1 nəfəri Böyük Britaniya, 1 nəfəri Avstraliya, 1 nəfəri Gürcüstan və 1 nəfəri Türkiyə vətəndaşı olub.
“Azərbaycan Hava Yolları” Dövlət Konserninin Bakı-Aktau (Qazaxıstan) reysini yerinə yetirən AN-140-100 təyyarəsi dekabrın 23-də yerli vaxtla saat 22.27 dəqiqədə səmaya qalxıb və beş dəqiqədən sonra radarlardan itib. Radarlardan itdikdən iki dəqiqə sonra təyyarə hava limanından 18 kilometr aralıda Nardaran qəsəbəsi istiqamətində Xəzər dənizinin sahillə birləşdiyi yerdə yerə çırpılıb.
