AZAL təyyarə qəzası ilə bağlı ilkin hesabat yaxın günlərdə açıqlanacaq
İnsanoid.com Tengrinews-a istinadən xəbər verir ki, bu barədə Qazaxıstanın nəqliyyat naziri Marat Karabayev məlumat verib. O bildirib ki, "Azərbaycan Hava Yolları" (AZAL) təyyarəsinin qəzası ilə bağlı ilkin hesabat yaxın günlərdə rəsmi olaraq dərc ediləcək.
Nazir bildirib ki, Azərbaycan, Rusiya, Braziliya və ICAO (Beynəlxalq Mülki Aviasiya Təşkilatı) mütəxəssisləri qəzanın səbəblərini araşdırır və iş yekun mərhələdədir.
"Bu çox diqqət tələb edən mürəkkəb bir prosesdir və mütəxəssislərə işi tamamlamaq üçün vaxt lazımdır", – deyə Karabayev əlavə edib. Hesabat rəsmi sayt vasitəsilə ictimaiyyətə təqdim olunacaq.
