Azərbaycan əsilli rusiyalı şoumen Timur Rodrigez (Kərimov) ilk dəfə 16 illik həyat yoldaşı Anna ilə boşanmasından danışıb.
Axşam.az-ın məlumatına görə, bu barədə şoumen "Fametime TV"yə müsahibə verib. Timur Anna evli olduqları müddətdə aktrisa Katerina Kabakla sevgili olmasına və keçmiş xanımının bu haqda xəbər tutmasına belə aydınlıq gətirib:
"Bu, böyük məsuliyyətlə qəbul etdiyim qərar idi. Nəinki peşman deyiləm, əksinə, bu bunu ədalətli hesab edirəm. Çox şadam ki, indi nə qədər qorxulu və təəccüblü olsa da, bu qərar qəbul edildi. Mən inanıram ki, kim olduğuna qarışmaq istəmədən, bir-birinizi həqiqətən anlayacağınız o insanı tapmağa çalışmaq daha yaxşıdır.
Bu barədə Annaya bildirəndə ilk fikri belə oldu ki, nəsə baş verib. Amma əslində, mən sadəcə bir insan olaraq kökündən fərqli münasibət və əsaslı şəkildə fərqli bir varlıq istədiyirdim. İkimizdə fərqli yerlərdə idik. Buna qərar verdiyim və ona dediyim andan yeni bir münasibətə başladım.
Demək olar ki, Anna ilə bir aya yaxın görüşmədiyimiz üçün o, yalnız qayıdıb gələndə bu haqda xəbər tutdu. Amma boşanma barəsində ona dediyim üçün artıq hesab edirdim ki, mənim öz həyatımı qurmaq hüququm var. Əgər bunu ona demədən etsəydim yəqin ki, dünyanın ən pis insanı olardım. Amma mən ədalətli və düzgün hesab etdiyim şeyi etdim".
Qeyd edək ki, Timur və Anna 2007-ci ildə ailə qurub. Onların iki övladı var.
Fotoda: Timur, keçmiş xanımı və övladları
