Çeçenistan hakimiyyətinin AZAL təyyarəsinin qəzasında həlak olanların və yaralananların ailələrinə maddi və digər yardımlar göstərməyə hazır olduğunu açıqlamasına cavab olaraq, Azərbaycan Prezident Administrasiyası rəsmi mövqeyini bildirib.
İnsanoid.com-a açıqlama verən Prezident Administrasiyasının nümayəndəsi qeyd edib ki, Azərbaycan nə dövlət, nə də vətəndaşlar olaraq belə bir yardımı qəbul etməyəcək.
"Azərbaycanın heç bir köməyə ehtiyacı yoxdur. Biz vətəndaşlarımıza bütün lazımi yardımları göstəririk və göstərməyə davam edəcəyik. Azərbaycan faktın qəbul edilməsini, üzr istənilməsini və müvafiq təzminatın ödənilməsini tələb edir," - deyə açıqlamada vurğulanıb.
