İspandilli ölkələrlə əlaqələrimiz gündən - günə daha da inkişaf edir.
İnsanoid.com xəbər verir ki, bu günlərdə Bakıda keçirilən Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) da Qafqaz -Iberoamerika Düşüncə Mərkəzinin direktoru, ispan dili və İspandilli ölkələr üzrə ekspert, Mahir Qurbanov da iştirak edir.
COP 29 çərçivəsində beynəlxalq medialardan İspandilli ölkələrin KİV-ləri də aktiv iştirak edirlər. Politoloq Mahir Qurbanov, Qvatemala dövlət televiziyasına 'Guatevisión' eksklüziv müsahibə verib.
Müsahibə zamanı Mahir Qurbanov qeyd edib ki, COP 29 - nun Azərbaycanda keçirilməsi çox əhəmiyyətli bir hadisədir və bu dünya miqyaslı tədbir uğurla davam edir. Azərbaycan Cənubi Qafqazda lider ölkədir və dünya ölkələri hər zaman Azərbaycanla əməkdaşlığa maraqlı olublar, bu kontekstdə İspandilli ölkələr də var.
Mahir Qurbanov eyni zamanda Qafqaz -Iberoamerika Düşüncə Mərkəzinin fəaliyyət prinsipləri və mərkəz tərəfindən həyata keçirilən mühüm layihələr haqqında da müsahibə zamanı ətraflı məlumat verib.
